FAQ-ხშირად დასმული შეკითხვები


ყოველდღიურად სი-ტი პარკში შემოდის უამრავი მოთხოვნა სხვადასხვა ინფორმაციაზე და ხშირად შეკითხვები მეორდება.
გთხოვთ შეამოწმოდ თქვენი შეკითხვა არის თუ არა ქვემოთ მოცემულ კითხვა-პასუხებთა რიცხვში.









 

სად შევიძინოთ პარკირების საშვი?

პარკირების საშვის შეძენა შესაძლებელია ნებისმიერ საბანკო დაწესებულებაში, სწრაფი გადახდის აპარატების მეშვეობით ან შპს “სი-ტი პარკ”-ის ვებ-გვერდზე. ასევე, პარკირების საშვის საკომისიოს გარეშე შეძენა შესაძლებელია შპს “სი-ტი პარკ”-ის სერვის ცენტრში.

რა ღირს პარკირების საშვი?

პარკირების საშვის ღირებულება დამოკიდებულია ვადებზე. 1 კვირა - 4 ლარი. 6 თვე - 25 ლარი. 1 წელი - 50 ლარი.

რა საბუთები უნდა წარმოადგინოს კორპორატიულმა კლიენტმა საშვის შეძენისას?

საშვის შესაძენად კორპორატიულმა კლიენტმა უნდა წარმოადგინოს კომპანიის სახელით დაწერილი წერილი შ.პ.ს სიტი პარკ”-ის ხელმძღვანელის სახელზე. ანაზღაურება ხდება უნაღდო ანგარიშსწორებით.

როდემდე აქვს საშვს მოქმედების ვადა?

საშვის მოქმედების ვადა დამოკიდებულია რა ვადითაა საშვი შეძენილი. საშვის ვადის გაგება შესაძლებელია შპს “სი-ტი პარკ”-ის ვებ-გვერდზე.

შეცდომით გავააქტიურე საშვი როგორ მოვიქცე?

ტექნიკური ან მექანიკური შეცდომის შემთხვევაში მოქალაქემ უნდა მიმართოს შპს “სი-ტი პარკ”-ის სერვის ცენტრს.

რაზე აქტიურდება საშვი მანქანაზე თუ სახელმწიფო ნომრებზე?

პარკირების საშვი აქტიურდება ავტომობილის სახელმწიფო ნომრებზე.

შევცვალე ავტომობილის სახელმწიფო ნომერი, როგორ მოვიქცე საშვთან დაკავშირებით?

უკვე გადახდილი პარკირების საფასურის გადატანა შესაძლებელია სხვა სახელმწიფო ნომერზე. ამისთვის კი საჭიროა მოქალაქემ შპს “სი-ტი პარკ”-ის სერვის ცენტრში მიიტანოს ცნობა საქართველოს შინაგან საქმეთა სამინისტროს მომსახურების სააგენტოდან რომ ჩააბარა ძველი სახელმწიფო ნომრები და აიღო ახალი ნომერი. ამ ინფორმაციის საფუძველზე მოხდება პარკირების საშვის გადატანა ახალ ნომრებზე.